Category: November 2019

2 KORINTH 12:10 — Chuvângin, Krista avângin chak lohnaahte, chhiatnaahte, nêksawrnaahte, tihduhdahnaahte, hnawhchêpnaahte ka lâwm ṭhîn a ni; ka chak loh apiangin a ni ka chak ṭhin ni.

1 JOHANA 3:1 — Ngai teh u, Pain min lo va hmangaih nasa êm; Pathian fa-ahte min vuah tâk hi! Chutiang chu kan ni rêng e. Hemi avâng hian khawvêlin min hre lo va ni, amah chu an hriat loh avângin.

THUFINGTE 11:18 — Mi suaksual chuan bumna hlawh a dawng ṭhîn a, Felna tuhtu erawh chuan a tak tak hlawh a dawng ṭhîn.

ROM 12:2 — Tûnlai khawvêl awm dân ang hi ṭâwm suh u; in nun phung chu, in rilru tihthara awmin, tihdanglam ni vek rawh se; tichuan, Pathian duhzâwng, ṭha leh lawm tlâk leh ṭhat famkim chu in hrethiam thei ang.

JOHANA 11:43-44 — Tin, chutia a ṭawng zawh veleh chuan aw ring takin, “Lazar, lo chhuak rawh,” a ti a, a au va. Tin, mitthi chu a kut a ke thlân puana tuam chungin a lo chhuak ta a, a hmai pawh inhrûkna puana tuam a ni a. Isuan an hnênah, “Phelh ula, kaltîr rawh u,” a ti a.