Category: March 2020

MATTHAIA 26:38 — Tin, an hnênah, “Ka rilru a lungngai êm êm a, thihna khawp hial a ni; hetah hian awm ula, mi vênpui rawh u,” a ti a.

MATTHAIA 5:16 — Chutiang bawkin in êng chu mi mit hmuhin êng rawh se; chutichuan, in thiltih ṭhatte an hmu ang a, in Pa vâna mi an chawimawi thei ang.

MARKA 15:31-32 — Chutiang bawkin puithiam lalte chuan, lehkhaziaktute nên anmahni zîngah tielin, “Mi dang mah a tidam ṭhîn a, mahni a intidam thei si lo. Kan hmuha kan rin theih nân, Krista, Israel lal chu, tûnah hian kraws ata chu lo chhuk ang hmiang,” an ti a. Tin, ama ruala khen beh vete chuan ani chu an hau va.

1 KORINTH 7:1-2 — Tin, in thil ziak thute kha chu: mipa tân hmeichhe khawih loh a ṭha a ni. Nimahsela, inngaihnate a awm ṭhin avângin mipain nupui bîk nei ṭheuh sela, hmeichhia pawhin pasal bîk nei ṭheuh rawh se.

MARKA 15:14-15 — Tin, Pilata chuan an hnênah, “Engah maw? Eng nge a tihsual ni?” a ti a. Nimahsela, anniho chu, “Krawsah khêng bet rawh,” tiin an au chiam a. Tichuan, Pilata chuan mipuiho chu tihlungawi a duh a, Barabba chu a chhuahsak ta a; tin, Isua chu a vuak zawhin krawsa khen beh tûrin a pe ta a.