Category: 2018

A zirtîrte hnênah chuan, “Buh seng tûr a tam tehlul nên, thawktu lah an tlêm si; chutichuan, a buh seng tûra mi tîr tûrin buh neitupa dîl rawh u,” a ti a. MATHAIA 9:37-38

Tangka sum ngainat hi sual tinrêng bul a ni, sum ngah an tumna lamah ṭhenkhat chuan rinna hi an pênsan a, lungngaih sawi sên lohvin mahni an intina ta a ni. 1 TIMOTHEA 6:10

Ama remruat ang taka thil engkim tihlawhtlingtu duh dân ang ngeiin Krista zârah a mite ni tûrin keini hi min ruat lâwk a, min thlang chhuak tawh a ni. Keini Kristaa beiseina nghat hmasate hi a ropuina tilangtu tûr kan ni. EFESI 1:11-12

Hêng zawng zawng hi in ṭhatna tûr a ni a; tichuan, mi tam tak zîngah Pathian khawngaihna a pung ang a, Pathian ropuina tûrin lâwmthu sawina pawh nasa takin a pung ang. 2 KORINTH 4:15

I kutchhuak vânte khi ka han thlîr a, Thla leh arsi i dahte khi, Mihring hi eng nge maw a niha, i hriat renga, Mihring fapa pawh engtiziaa rawn kan ṭhîn nge i nih le? SAM 8:3-4