Category: October 2019

THUPUAN 1:7 — Ngai teh, chhûm zîngah a lo kal e, mit tinrêngin an hmu ang, amah chhuntute ngei pawhin an hmu ang. Khawvêla hnam tinrêngin amah an ṭah bawk ang: Ni e. Amen.

LUKA 15:15-16 — Tichuan, chumi khaw lam mi, mi pakhat a va bêl a; chu mi chuan vâwk chaw pe tûrin a lo lamah a tîr a. Tin, englo kâwm vawkin an eite chuan intihpuar a duh êm êm a; tu mân eng mah an pe si lo.

KOLOSSA 3:1-2 — Chutichuan, Krista hnênah kaihthawha in awm ve tawh chuan chung lam, Pathian ding lama ṭhu Krista awmnaa thil awmte chu zawng rawh u. Chung lama thil awmahte chuan in rilru nghat tlat rawh u, leia thil awmahte chuan nghat lovin.

JONA 1:4 — Nimahsela, Lalpa chuan thli na tak mai tuifinriatah chuan a tîr a, tuifinriatah chuan thlipui nasa tak a tleh ta a; tichuan, lawng chu keh dâwn ang maiin a awm ta a.

JOHANA 4:23 — Chutichuan, a hun a thleng dâwn ta, tûnah pawh a thleng tawh mêk, chumi hunah chuan Pathian chibai bûktu tak takten thlarau leh tihtakzetin Pa chibai an bûk ang, Pain chutiang mi chu a chibai bûktu tûrin a zawng a ni.