Nun Kawng Chaw
LEVITICUS 25:39-40 — Tin, i bula chêng i unau a lo retheiha, i hnêna a rawn tlûk luh chuan bawih angin i chhawr tûr a ni lo. Inhlawhfa ang leh i hnêna khawsa ve angin i hnênah a awm tûr a ni a, Jubili kum thlengin i rawng a bâwl ang.
LUKA 4:18-19 — “Riangvaite hnênah Chanchin Ṭha hril tûra mi ruat avângin Lalpa Thlarau chu ka chungah a awm; Ani chuan salte hnêna chhuahna thu leh, mitdelte hnêna mitvâr neih lehna thu sawi tûr te, tihduhdah tuarte chhuahtîrna tûr te, Lalpa lungawi kum thu sawi tûr tein, mi tîr a ni,” tih hi.
MARKA 14:6-8 — Isua erawh chuan, “Eng mah tih suh u; engah nge in tihbuai ni? Ka chungah hian thil ṭha tak a ti a ni. Mi retheite chu kumkhuaa in hnêna awm an ni a, in duh hun apiangah anni chu in khawngaih thei si a; kei erawh chu kumkhuaa in hnêna awm tûr ka ni lo. A tih theih tâwk a ti a ni; ka taksa hi phûm tûrin a lo hnawih lâwk a nih hi.
SAM 98:2 — Lalpa chuan a chhandamna chu a hriattîr a; A felna chu hnam tin mit hmuhah chuan fiah takin a lantîr ta a.
SAM 19:7 — Lalpa dân chu a ṭha famkim a, nunna a siam ṭha ṭhîn; Lalpa thuhriattîr chu a rinawm a, mi mâwl a tifing ṭhîn.
Recent Comments