Category: 2018

Pe rawh u; tichuan, pêk in ni ang; ṭhahnemngai taka teh chhuaka, beng mukin, sâwi liam zawih zawih khawpin in ângchhûngah pêk in ni ang. Tehna in hman ngei khân tehsak in ni ang,” a ti a. LUKA 6:38

Lalpa ṭhatzia hi tem chhin ula, Han hre chiang teh rêng u. Lalpa hnêna tlulûtte chu an nihlawh e. A mi thianghlimte u, Lalpa chu hlau ula, Amah ṭihtute chuan tlâkchham rêng an nei lo. Sakeibaknei vânglaite chuan ei tûr an tlachham a, An ril a ṭâm bawk ṭhîn. Lalpa zawngtute erawh chuan thil ṭha eng mah an tlachham lo. SAM 34:8-10

Pathian thutak aiin dâwt an thlang a, a siamtu chu biak aiin a siama chu biain a rawng an bâwl ta zâwk a. A siamtu chu chatuana fakin awm rawh se. Amen. ROM 1:25

Chumi hnuah chuan keini nungdama la awm rengte hi, boruakah Lalpa hmuak tûrin, anmahni rualin chhûm zîngahte khian lâk chhohvin kan awm ang a, Lalpa hnênah kan awm kumkhua tawh ang. 1 THESALONIKA 4:17

Ngai teh, chhûm zîngah a lo kal e, mit tinrêngin an hmu ang, amah chhuntute ngei pawhin an hmu ang. Khawvêla hnam tinrêngin amah an ṭah bawk ang: Ni e. Amen. THUPUAN 1:7