Category: October 2019

JOHANA 3:16 — Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân.

HEBRAI 11:31 — Rinnain Rahabi nawhchizuar kha awih loho zîngah chuan a boral ve ta lo, enthlatute chu tlang taka a lawm avângin.

LUKA 18:25 — “Mi hausa Pathian rama luh aiin, sanghâwngsei hriau benga luh tlang a awl zâwk a ni,” a ti a.

EXODUS 34:29 — Tin, heti hi a ni a, Mosia chu thuhriattîrna lungphêk pahnih chu a kuta kengin Sinai tlâng ata chu a chhuk a, tlâng ata a chhuk chuan, Mosia chuan chutia an inbiakna avâng chuan a hmai vun chu a lo êng ta tih a hre hauh lo va.

HEBRAI 12:14 — Mi zawng zawng nêna inremna leh thianghlimna ûm rawh u; chumi tel lo chuan tû man Lalpa an hmu thei lo vang.