Category: 2020

JOHANA 19:28 — Chumi hnuah chuan Isuan thil engkim tûnah a kim tawh tih a hria a, Pathian Lehkha Thu kha a thlen nân, “Ka tui a hâl e,” a ti a.

1 KORINTH 15:16-18 — Mitthite kaihthawhin an awm si loh chuan Krista pawh kha kaihthawhin a awm lo vang; tin, Krista kha kaihthawhin a awm loh chuan in rin chu engmahlo a ni ang a, in sualnaah chuan in la awm fo a ni ang. Chuti a nih chuan Kristaa muhîl tawhte kha an boral ta a ni ang.

MATTHAIA 27:45-46 — Tin, chawfâk hun achin behliang mun hun thlengin khawvêl a lo thim ta vek a. Tin, behliang mun hun lai vêl chuan Isua chu aw ring takin, “Eloi, eloi, lama sabakthani?” tiin a au chhuak a.

MATTHAIA 28:11-13 — Tin, an va kal lai chuan vêngtu sipai ṭhenkhat chu khawpuiah an va lût a, thil awmzia zawng zawng chu puithiam lalte hnênah an va hrilh a. Tin, upate nên an inkhâwma, an inrâwn zawhin sipaite hnênah chuan tangka tam tak an pe a, ‘Zânah, kan muthilh hlânin a zirtîrte an lo kal a, amah chu an ru ta a ni,’ ti ang che u.

JOHANA 19:26-27 — Tin, Isuan a nu leh a zirtîr a hmangaih kha a kianga ding a hmu a, a nu hnênah, “Hmeichhia, en teh, i fapa kha!” a ti a. Tin, zirtîr hnênah chuan, “En teh, i nu kha!” a ti a. Tin, chuta chin chu, chu zirtîr chuan ama inah ani chu a hruai ta a.