Nun Kawng Chaw
KOLOSSA 1:16-17 — Amahah chuan engkim siam a ni a, vâna awmte, leia awmte nên, hmuh theihte, hmuh theih lohte nên, lalṭhutphahte pawh, rorêlnate pawh, lalnate pawh, thuneihnate pawh; engkim ama siam a ni, ama ta tûr bawka siam a ni; tin, ani hi chu engkim awm hmain a awm rêng a ni, amahah chuan engkim a ding ho bawk a ni.
MATTHAIA 26:59-60 — Tin, amah an tihhlum theihna tûrin, puithiam lalte leh rorêltuho zawng zawng chuan Isua hêkna an zawng a; hretu der tam tak lo kal mah sela, an hmu si lo.
GENESIS 1:26-27 — Tin, Pathianin, “Kan anpuiin, keimahni ang takin mihring siam ila; anni chu tuifinriata sangha chungah te, rannung leia bawkvâka kal zawng zawng chungah te thu i neihtîr ang u,” a ti a. Tichuan, Pathianin ama anpuiin mihring a siam a, Pathian anpui ngeiin a ni a siam ni; mipaah leh hmeichhiaah a siam a ni.
TIRHKOHTE 2:1-2 — Tin, Pentikos ni a lo thlenin, an zain hmun khatah an awm khâwm vek a. Tin, thâwklehkhatan vân ata ri, thlipui tleh angin a lo thleng ta phut a; tin, chu chuan an ṭhutna in chu a tikhat ta vek a.
EXODUS 3:14 — Tin, Pathianin Mosia hnênah chuan, “Nangin Israela thlahte hnênah chuan, ‘AWMA chuan in hnênah mi rawn tîr a ni e,’ i ti tûr a ni,” a ti a.
Recent Comments