Month: June 2019

I PETERA 2:24 — Sual lamahte thi tawhin felna lamah kan nun theih nân, amah ngeiin thingah khân a taksain kan sualte a phur a; amah vuakna vualte chuan tihdamin in awm ta a.

JOHANA 8:10-11 — Tin, Isua chu a tho va, a hnênah, “Hmeichhia, khawiah nge an awm tâk? Tu mân thiam loh an chantîr na che nge?” a ti a. Tin, ani chuan, “Lalpa, tu mân mi chantîr lo ve,” a ti a. Tin, Isuan, “Kei pawhin thiam loh ka chantîr lo va che; kal la, tûn hnuah tisual leh tawh suh,” a ti a.

THUPUAN 21:27 — Thil bawlhhlawh eng mah a lo lût thei hek lo vang a, thil tenawm tite leh dâwt chîngte an lo lût thei hek lo vang; Berâmno nunna bu-a hming chuangte chauh an lût thei ang.

MATTHAIA 25:31-33 — “Amaherawhchu, Mihring Fapa hi chu, a vântirhkohte zawng zawng nên, a ropuinaa inthuama a lo kal hunah chuan, a ropuina ṭhutphahah a ṭhu ang a; a hmaah chuan hnam tin an inkhâwm ang a; berâm vêngtuin kêl zîng ata a berâmte a hlîr angin anniho chu a hlîr ang a; berâmte chu a ding lamah a dah ang a, kêlte erawh chu a vei lamah a dah ang.

MARKA 12:31 — A dawttu chu, ‘Nangmah i inhmangaih angin i vêngte pawh hmangaih ve rawh,’ tih hi a ni. Hêng aia thupêk pawimawh zâwk rêng hi a awm lo,” a ti a.