Month: March 2020

MATTHAIA 27:17-18 — Chutichuan, an rawn inkhâwm chuan Pilatan an hnênah, “Tu nge chhuahsak che u ila in duh? Barabba nge Isua, Krista an tiha chu?” a ti a. (Itsîkna avângin ani chu an mantîr tih a hre si a.)

TIRHKOHTE 2:1-4 — Tin, Pentikos ni a lo thlenin, an zain hmun khatah an awm khâwm vek a. Tin, thâwklehkhatan vân ata ri, thlipui tleh angin a lo thleng ta phut a; tin, chu chuan an ṭhutna in chu a tikhat ta vek a. Tin, leite amaha insem darhin, mei angin an hnênah a lo inlâr ta a. Tin, an chungah a chuang ṭheuh va, an zain Thlarau Thianghlimin an khat ta vek a, Thlarauvin a ṭawngtîr ang zêlin ṭawng dangin an lo ṭawng ta a.

MATTHAIA 26:58 — Nimahsela, Peteran hla tak aṭangin amah chu a zui a, Puithiam Lalber in hual chhûng kawtlai thlengin; tin, a va lût a, a tâwpna hmu tûrin chhiahhlawhte zîngah a ṭhu ve a.

KOLOSSA 1:16-17 — Amahah chuan engkim siam a ni a, vâna awmte, leia awmte nên, hmuh theihte, hmuh theih lohte nên, lalṭhutphahte pawh, rorêlnate pawh, lalnate pawh, thuneihnate pawh; engkim ama siam a ni, ama ta tûr bawka siam a ni; tin, ani hi chu engkim awm hmain a awm rêng a ni, amahah chuan engkim a ding ho bawk a ni.