Category: April 2019

1 KORINTH 15:33-34 — Bumin awm suh u; “Ṭhian sualte chuan nungchang ṭha an tikhawlo ṭhîn.” Fel takin harh ula, thil tisual suh u, ṭhenkhat chuan Pathian hriatna rêng in neih loh hi; hei hi in lo zahna tûrin ka sawi a ni.

HEBRAI 3:12 — Unaute u, fîmkhur rawh u, chuti lo chuan Pathian nung tlûksan tûrin tu thinlungah emaw rin lohna sual a lo lût dah ang e.

LUKA 21:34 — Amaherawhchu, fîmkhur rawh u; chuti lo chuan, ei puar lutuk nên, zu ruih nên, dam chhûng khawsak ngaihtuah nên, in rilru a khat lutuk hlauh ang a, chumi ni chuan thang âwk angin thâwklehkhatan in chungah a lo thleng phut ang.

MATHAIA 24:4-5 — Isuan a chhâng a, “Tu man an hruai bo loh nân che u fîmkhur rawh u. Ka hming chhâlin ‘Krista chu ka ni,’ tiin mi tam tak an lo chhuak dâwn si a, mi an hruai bo ṭeuh ṭeuh vang.

1 KORINTH 15:42-44 — Mitthi thawhlehna pawh chutiang bawk chu a ni ang. Ṭawih thei kha phûm a ni a, ṭawih thei lova kaihthawh a ni ang a, hmuhsitawm tak kha phûm a ni a, ropui taka kaihthawh a ni ang; chak lo tak kha phûm a ni a, thiltithei taka kaihthawh a ni ang. Kan phûm kha mihring lam taksa a ni a, kaihthawha awm tûr chu thlarau lam taksa a ni. Mihring lam taksa a awm chuan thlarau lam taksa pawh a awm ang.