Category: October 2019

JAKOBA 3:6 — Tin, lei hi mei a ni; kan taksa pêngte zînga khawlohna hlâwm chu lei hi a ni; chu chuan taksa a pumin a tibawlhhlawh a, pianpui tawlailîr chu a tikâng a, amah chu hremhmun tihkan a ni.

JOHANA 4:23 — Nimahsela, a hun a thleng dâwn, tûnah pawh a thleng tawh mêk, Pathian chibai bûktu tak takten thlarau leh thutakin Pa chibai an bûk tawh ang. Chutiang mi chu Pain amah chibai bûk tûrin a zawng a ni.

ROM 12:1-2 — Chutichuan, unaute u, Pathian khawngaihna avâng hian, inthawina nung leh, thianghlim leh, Pathian lawm tlâk ni tûrin, in taksa chu inhlânah ka ngên a che u; chu chu in rawngbâwlna âwm rêng a ni. He khawvêl dân ang hian awm suh ula; Pathian duh zâwng, a ṭha leh, lawm tlâk leh, ṭhat famkim chu in hriat fiah theih nân, in rilru a thara awmin lo danglam zâwk tawh rawh u.

MATHAIA 28:19-20 — Tichuan, kal ula, hnam zawng zawng zirtîrah siam rawh u; Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u. Tin, ngai teh u, kei, kumkhuain, khawvêl tâwp thleng pawhin, in hnênah ka awm zêl ang,” a ti a.

SAM 119:71-72 — I thuruatte ka zir theih nân Tihhrehawma ka lo awm kha ka tân a ṭha a ni. Rangkachak leh tangkaraw sâng tam tak ai chuan, I kâa dân chhuak chu ka tân a ṭha zâwk e.