Category: December 2020

MATTHAIA 1:16 — Jakoban Josefa, Mari pasal chu a hring a; chu mi Mari lakah chuan Isua, Krista an tih hi a lo piang ta a.

MARKA 13:32-33 — Nimahsela, chumi ni leh a dâr thu chu Pa chauh lo chuan tu mân, vâna vântirhkohte pawhin, Fapa pawhin an hre lo. “Fîmkhur ula, inring renga awmin ṭawngṭai rawh u; a hun chu in hre si lo va.

GENESIS 18:18 — Abrahama hi chi ropui leh thiltithei tak a lo la ni ngei dâwn a, amahah chuan khawvêla chi tin an la thawveng dâwn si a.

TIRHKOHTE 1:10-11 — Tin, a chhoh laia vân lam an en reng laiin mi pahnih, puan vâr sinin an kiangah an lo ding a; chu mite chuan, “Galili rama mite u, engati nge vân lam ena in din reng? He Isua, in hnên ata vâna hruai chhohva a awm hi, vâna a chho in hmu ang bawk hian amah ngei hi a lo kal leh ang,” an ti a.

LUKA 7:2-10 — Tin, sipai za hotu tu emaw a bawih duh tak a damlo va, a thi lek lek a. Tichuan, Isua chanchin a hriat veleh, a bawih rawn tidam tûra ngên chiam tûrin a hnênah Juda-ho upate a tîr a ... a mi tirhte chu inah an haw leh a, bawih chu damin an hmu ta a.