Nun Kawng Chaw
LUKA 14:23-24 — Tin, a pu chuan bawih hnênah chuan, ‘Chhuak la, lamlianahte, daiahte kal la, ka in khah nân mi han thlêm lût hrâm rawh. Ka hrilh a che, mi ka sâwmte khân pakhat mahin ka ruaiṭheh an ei lo vang,’ a ti a.
EXODUS 4:11 — Tin, Lalpa chuan a hnênah, “Mihring kâ hi tu siam nge ni a, ṭawngtheilo te, bengngawng te, mitvâr te, mitdel te pawh hi tu tih nge ni? Kei Lalpa hian a ni lo vem ni?
MATTHAIA 21:29-30 — Ani chuan, ‘Ka duh lo,’ a ti a, a chhâng a; nimahsela, nakinah a rilru chu a lo inlamlêt a, a kal ta a. Tin, pakhat hnênah pawh chuan a va kal a, chutiang bawk chuan a va ti a. Tin, ani chuan, ‘Lalpa, ka kal ang e,’ a ti a, a chhâng a; nimahsela, a kal ta si lo va.
MATTHAIA 10:28-33 — Tin, taksa tihluma thlarau tihlum thei lotute chu hlau suh ula; Gehenna-a thlarau leh taksa tiboral theitu chu hlau zâwk ang che u.
MATTHAIA 21:18-19 — Tin, zîngah khawpui lama a kîr leh laiin a ril a lo ṭâm ta a. Tin, kawng sîrah chuan theipui kûng a hmu a, a va pan a, a hnah chauh lo chu eng mah a hmu lo va. Tin, a hnênah, “Kumkhuain lo rah tawh suh ang che,” a ti a. Tin, theipui chu a vuai ta nghâl mai a.
Recent Comments