Category: 2020

JOHANA 12:20-21 — Tin, kûtnaa Pathian chibai bûk tûra han kalte zîngah Grik tute emaw an awm a; tin, chûngte chu Galili rama Bethsaida khuaa mi Philipa hnênah chuan an lo kal a, a hnênah, “Ka pu, Isua hmuh kan duh e,” an ti a, an ngên a.

LUKA 2:30-31 — I chhandamna mi tin hmuha i siam kha, ka mitin a hmu ta e.

JOHANA 11:41-44 — Tin, mitthi chu a kut a ke thlân puana tuam chungin a lo chhuak ta a, a hmai pawh inhrûkna puana tuam a ni a. Isuan an hnênah, “Phelh ula, kaltîr rawh u,” a ti a.

SAM 73:27-28 — Ngai teh, nangmah hlata awmte chu an boral dâwn si a; A uiresantu apiang che chu i tiboral ta a. Keia tân erawh zawng Pathian hnaih hi a ṭha a ni; Lalpa Pathian chu ka inhumhimnaah ka hmang a, I hnathawh zawng zawng thu chu ka hrilh theih nân.

JOHANA 11:32-35 — Tin, Isuan Mari ṭap leh a rawn zuitu Juda-te ṭap chu a hmu a, a rilruin a rûm a, a lungngai a. “Ani chu khawiah nge in zalh?” a ti a. Anni chuan a hnênah, “Lalpa, lo kal la, en teh,” an ti a. Isua chu a ṭap ta a.