Category: 2020

THUFINGTE 22:6 — Naupang chu a kalna âwm kawngah chuan zirtîr ula, A upat hun pawhin a thlah lo vang.

MATTHAIA 14:30-31 — Nimahsela, thli tleh chu a hmuhin a hlau va, a pil dâwn ta mai a, “Lalpa, min chhandam rawh,” tiin a au ta a. Tin, Isuan a ban ta nghâl a, amah chu a chelh a, a hnênah, “Nang, rin tlêm, engah nge i rinhlelh le?” a ti a.

MARKA 10:15-16 — Tihtakmeuhvin ka hrilh a che u, tu pawh Pathian ram chu naupang têin a lawm anga lâwm lo apiang, a chhûngah an lût tawp lo vang,” a ti a. Tin, anmahni chu a kuangkuah a, an chungah a kut nghatin mal a sâwmsak ta a.

JOHANA 6:8-9 — Tin, a zirtîrte zînga pakhat, Simon Petera unau Andria chuan a hnênah, “Barli chhangpêr panga leh sangha pahnih nei mipa naupang pakhat hetah a awm; nimahsela, mi hêng zozai zîngah hian chûng chu eng tham nge ni ang?” a ti a.

1 JOHANA 4:1 — Duh takte u, thlarau nazawng ring suh u; amaherawhchu, thlaraute chu Pathian laka mi an ni nge ni lo fiah rawh u; thuhriltu der tam tak khawvêlah an lo chhuah tâk avângin.