Category: Daily Bread

ROM 10:15 — Tirh an nih si loh chuan tu nge hril ang? “Thil ṭha chanchin rawn hriltute ke chu a va mawi êm!” tih ziak ang khân.

PHILIPPI 2:7-8 — Mihringte anga lo piangin, bawih angah a insiam a, amah leh amah a intitlâwm ta zâwk a. Tin, mihring anga lo awmin a inngaitlâwm a, thi khawp hiala thu zâwmin a lo awm ta a, krawsa thihna ngei chu.

JOHANA 1:12-13 — Mi ṭhenkhat erawh chuan an lo lâwm a, amah an ring a, an hnênah Pathian fate nih theihna a pe a. Chûng mite chu thisen hrin an ni lo va, tisa duhzâwnga hrin pawh an ni lo va, mipa duhzâwnga hrin an ni hek lo, Pathian hrin an ni zâwk e.

2 SAMUELA 24:24 — Lal chuan Arauna hnênah, “Chutiang zawng ni lo ve, a leiin ka lei zâwk ang e; eng mah insêng lovin Lalpa ka Pathian hnênah hâlral thilhlan ka hlân tawp lo vang,” a ti a. Tichuan, Davida chuan hruihzâwl leh bâwngpate chu tangka tlang sawmngain a lei ta a.

THUFINGTE 28:13 — A bawhchhiatna zêptu chu a hmuingîl lo vang a, Inpuanga sim erawh chuan zahngaihna a hmu ang.