Category: Daily Bread

SAM 19:8 — Lalpa thununna thu chu a dik a, thinlung a tilâwm ṭhîn; Lalpa thupêk chu a thianghlim a, mitte a tivâr ṭhîn.

ISAIA 43:10 — Ka thuhretu i ni, Lalpa thuchhuak chuan a ti. Ka chhiahhlawh, ka thlan i ni, Min hre tûr leh min ring tûrin, Kei hi Pathian awm chhun ka ni tih hretu atân. Ka awm hmaa awm Pathian an awm lo va, Ka hnuah lah an awm hek lo vang.

THUFINGTE 22:1 — Sum tam tak aiin hmingṭhat hi thlan zâwk tûr a ni a, Tangka leh rangkachak aiin duhsakna a ngainatawm.

THUFINGTE 22:3 — Mi fing chuan hlauhawm a hmuhin a biru a, Mi mâwl erawh chuan a tâwn mai a, a tuar phah ṭhîn.

PHILIPPI 4:12-13 — Tlâwm taka awm dân ka thiam a, hausaa awm dân pawh ka thiam bawk a; thil tinrêngah leh thil zawng zawngah tlai leh rilṭâma awm dân, hausa leh tlachhama awm dân thurûk chu ka hre chhuak tawh. Mi tichaktuah chuan engkim ka ti thei a ni.