Year: 2019

ROM 5:1 — Chuvângin, rinna avânga thiam changa awmin, kan Lalpa Isua Krista avângin Pathian nên inremin i awm ang u.

ROM 13:12-14 — Zân hi a ral lek lek tawh a, khua a vâr dâwn ta e; chuvângin, thima thiltih chu paih ila, êng thuamin i inthuam ang u. Chhûna awm angin mawi takin i awm ang u, zu in buai leh zu ruia awm lovin, hur leh inngaih hmanga awm lovin, insual leh inîtsîka awm lovin. Lal Isua Krista chuan inthuam zâwk ulang, in tisa châkna puitlin tûrin eng mah insiam suh u.

ISAIA 57:18 — An awm dân chu ka hre reng a, Mahse, an natna chu ka tihdamsak ang a, Ka hruai ang a, ka pui ang a, Lusûnte chu ka thlamuan ang.

MATTHAIA 25:14-15 — “Mi, ram danga kal dâwna, ama bawihte kova, a sumte an hnêna kawltîr ang chu a ni si a. Bawih pakhat hnênah talent nga a pe a, bawih dang hnênah talent hnih a pe a, bawih dang hnênah talent khat a pe a; an tih theih tâwk tûr ang zêl ṭheuhvin a pe a; tichuan, a kal ta a.

HEBRAI 11:16 — Ram ṭha lehzual, vâna awm chu an ngai zâwk a ni. Tichuan, Pathian pawhin an Pathian nih a zak lo va, an tân khua lam a lo buatsaih tawh a ni.