Year: 2019

GENESIS 22:1-2 — Tin, heti hi a ni a, chûng thil hnuah chuan Pathianin Abrahama chu a fiah a, a hnênah, “Abraham,” a ti a; tin, ani chuan, “Heta hi ka awm,” a ti a. Tin, ani chuan, “I fapa, i fapa neih chhun, i hmangaih tak, Isaaka ngei kha hruai la, Moria ramah chuan kal la, chutah chuan ka hrilh tûr che tlâng pakhatah chuan hâlral thilhlanah hlân rawh,” a ti a.

MATHAIA 18:20 — Mi pahnih emaw, pathum emaw ka hminga an ṭhut khâwm apiangin an zîngah ka awm si ṭhîn a,” a ti a.

ISAIA 48:10 — Ngai teh u, ka tithianghlim che u a ni; nimahsela, tangkaraw tihthianghlim angin a ni lo; hrehawmna rawh tuina meiah chuan ka fiah che u a ni.

MATHAIA 10:39 — Tu pawhin mahni nun humhim an tum chuan an chân ang a, keimah avânga an nun chân chuan an hmu ang.

JAKOBA 4:7-8 — Chutichuan, Pathian thu thuin awm rawh u; amaherawhchu, Diabola dodâl rawh u; tichuan, a tlân bosan ang che u. Pathian hnaih rawh u; tichuan, anin a hnaih ang che u. Mi sualte u, in kutte sil fai rawh u; rilru bulbâl nei lote u, in thinlung tithianghlim rawh u.