Year: 2019

LUKA 2:10 — Tin, vântirhkoh chuan an hnênah, “Hlau suh ulang, ngai rawh u, mi tin ta tûr chanchin ṭha lâwmawm êm êm ka rawn thlen che u a ni.

ISAIA 9:6 — Kan tân nau a lo piang a, Fapa min pe ta a. Sawrkârna chu a kovah a innghat a, A hmingah chuan: Remruattua, Maka, Pathian Chaka, Chatuan Pa, Remna Lal an ti ang.

MARKA 1:2-7 — Zâwlnei Isaia lehkhabuah, “Ngai teh, ka tirhkoh i hmaah ka tîr a, Ani chuan i kawng a siam ang.” “Thlalêra mi au râwl chuan, ‘Lalpa lamlian sial ula, A kawngte tingîl rawh u,’ a ti,” tia ziak ang khân, Johana, thlalêra baptistu kha, thil tihsual ngaihdam nân simna baptisma thu hrilin a lo chhuak a. Tin, Judai rama mi zawng zawng leh Jerusalem khuaa mi zawng zawngte an chhuak a, a hnên lamah an kal a, an sualte thupha chawiin Jordan luiah chuan a hnênah baptisma an chang ta hlawm a. Tin, Johana chu sanghâwngsei hmul puanin a inthuam a, a kâwng chu savun kâwnghrênin a hrêng a, a chaw chu khaukhuap leh ram khawizu a ni. Tin, “Ka hnungah keimah aia ropui zâwk a lo kal mêk a ni; kûna a pheikhawk hrui phelh tlâk pawh ka ni lo ve.

1 THESALONIKA 5:14 — Tin, unaute u, ka ngên a che u, mi dâwngdahte zilh ula, mi beidawngte chu thlamuan ula, mi chak lote ṭanpui ula, mi zawng zawng dawhthei rawh u.

LUKA 1:57-58 — Tin, Elizabeti nau hrin chu a lo hun ta a; tichuan, fapa a rawn hring a. Tin, a vêngte leh a laichînte chuan Lalpan a khawngaih êm êm tih an lo hria a, an lawmpui a.