Year: 2019

LUKA 6:38 — Pe rawh u; tichuan, pêk in ni ang; ṭhahnemngai taka teh chhuaka, beng mukin, sâwi liam zawih zawih khawpin in ângchhûngah pêk in ni ang. Tehna in hman ngei khân tehsak in ni ang,” a ti a.

TIRHKOHTE 16:25-26 — Nimahsela, zanlaiah Paula leh Sila chu Pathian hnênah an ṭawngṭai a, hla an sa a, mi tângten an ngaithla a; tin, thawklehkhatah lîr nasa takin a lo nghîng a; chutichuan, tân in lungphûmte lam chu a nghîng a; tin, kawngkhâr zawng zawng chu a inhawng nghâl a, mi tin kawl bunte chu a lo inphelh ta vek a.

TIRHKOHTE 17:28 — Amah avângin kan nung, kan che, kan awm a ni si a; in hla phuah thiam tute emaw pawhin, ‘Keini pawh a thlahte kan ni si,’ tia an sawi ang khân.

TIRHKOHTE 12:5-9 — Chuvângin, Petera chu tân inah chuan a awmtîr rih a; nimahsela, kohhranhovin ama tân ṭhahnemngai takin Pathian hnênah an ṭawngṭaisak ṭhîn a... Tin, Petera chu a chhuak a, a zui ta a; vântirhkoh chêtzia chu a tak a ni tih a hre lo va, mumanga a hmuh emaw a ti zâwk a.

ISAIA 55:9 — Vân khi lei aia a sâng zâwk angin, ka awm dânte hi in awm dânte aiin a sâng zâwk si a, ka ngaihtuahte pawh hi in ngaihtuahte aiin a sâng zâwk bawk a ni.