Year: 2019

ROM 1:14-15 — Grik mite leh awze mite hnênah bat ka nei; mi fing leh mi fing lote hnênah pawh. Chutichuan, nangni Rom khuaa awmte hnênah pawh Chanchin Ṭha ka theihtâwpa hril tûrin ka inpeih reng a ni.

DEUTERONOMY 21:15-17 — “Miin nupui pahnih nei ang sela, pakhat chu duhin pakhat chu hua sela, a duha leh a huata chuan fa hrinsak ve ve sela; tin, fapa upa ber chu a huata fa ni sela, a ro neih chu a fapate a khâwmtîr hunah chuan a duh taka fapa chu a fapa upa, a huata fa aia uah a siam tûr a ni lo. Amaherawhchu, a huata fa, a fa upa ber chu a neih zawng zawnga chan hnih huiah a siam tûr a ni; a chakna bul a ni a, fa tîr nihna chu a pual a ni.

LUKA 14:24 — Ka hrilh a che, mi ka sâwmte khân pakhat mahin ka ruaiṭheh an ei lo vang,’ a ti a,” a ti a.

DANIELA 1:8 — Mahse, Daniela chuan a rilruin lal chaw leh a uain in ṭhinte chuan intihbawlhhlawh loh a tum tlat a; chutichuan, a intihbawlhhlawh loh nân tilrehte hotu chu a dîl a.

1 TIMOTHEA 6:19 — Nunna, nunna tak tak chu an vawn theih nân, hun lo thleng tûr atân chuan lungphûm ṭha tak an tâna khâwl khâwm tûrin fuih rawh.