Month: April 2020

LUKA 9:51 — Tin, heti hi a ni a, amah hruai chhoh a hun dâwnin, Jerusalem khuaa kal tumin a hawi tlat a.

KOLOSSA 4:6 — Mi tin engtia chhân ṭheuh tûr nge ni tih in hriat theih nân in ṭawngka chhuak chu chia al, khawngaihna tel ni fo rawh se.

JOHANA 17:11,22 — Tin, kei zawng khawvêlah ka awm tawh lo vang, hêngho erawh hi chu khawvêlah an awm ang, kei i hnênah ka lo haw dâwn ta. Ka Pa thianghlim, nangin kei mi pêkteho hi i hmingin hum rawh, pumkhat an nih theih nân, keimahni ang bawk hian. ²²Tin, nangin ropuina mi pêk kha keiin anmahni ka pe ta; anni chu pumkhat an nihna tûrin, keini pumkhat kan ni ang bawk hian.

LUKA 14:8-10 — Lawi chaw ei tûrin tuin emaw a sâwm hunah che chuan, ṭhutphah ṭha berah ṭhu suh ang che; chuti lo chuan, i aia mi ṭha zâwk a lo sâwm hlauh ang a; An sâwm hunah che chuan, ṭhutphah ṭha lo berah ṭhu zâwk ang che; chutichuan, a sâwmtu che a lo kal hunah i hnênah, ‘ṭhiana, ṭhutphah ṭha deuhvah ṭhu rawh,’ a ti thei ang che. Chutichuan, i chaw kîlpuite mit hmuhah chuan chawimawiin i awm ang.

LUKA 19:33-38 — Tin, sabengtungno chu an phelh lai chuan a neituten an hnênah, “Sabengtungno kha engah nge in phelh?” an ti a. Tin, anni chuan, “Lalpan a duh a ni,” an ti a. Tichuan, Isua hnênah an rawn kai ta a; tin, sabengtungno chungah chuan an puante an phah a, a chungah Isua an chuantîr a. Tin, a kalna tûr kawngah chuan an puante an phah zêl a. Tin, an thlen dâwn hnaihin, Olive tlâng liam dâwnah chuan, zirtîr mipui zawng zawng chu a thil mak tih zawng zawng an hmuh avângin an lâwm a, aw ring takin, “Lalpa hminga Lal lo kal chu fakin awm rawh se, vânah rem thu lêng sela, chungnung berah khian ropuina awm rawh se!” tiin Pathian an fak ta a. Tin, an thlen dâwn hnaihin, Olive tlâng liam dâwnah chuan, zirtîr mipui zawng zawng chu a thil mak tih zawng zawng an hmuh avângin an lâwm a, aw ring takin, “Lalpa hminga Lal lo kal chu fakin awm rawh se, vânah rem thu lêng sela, chungnung berah khian ropuina awm rawh se!” tiin Pathian an fak ta a.