Nun Kawng Chaw
MATTHAIA 21:18-19 — Tin, zîngah khawpui lama a kîr leh laiin a ril a lo ṭâm ta a. Tin, kawng sîrah chuan theipui kûng a hmu a, a va pan a, a hnah chauh lo chu eng mah a hmu lo va. Tin, a hnênah, “Kumkhuain lo rah tawh suh ang che,” a ti a. Tin, theipui chu a vuai ta nghâl mai a.
1 SAMUELA 1:11 — Tin, thu a tiam a, “Aw Sipaihote Lalpa , i bawihnu tlâwmzia hi min hriatsak takmeuhva, min hriat renga, i bawihnu hi min theihnghilh lohva, i bawihnu hi fapa i pêk chuan, a dam chhûng zawng Lalpa ka pe ve thung ang a, a lu pawh meh rêng rêng a ni lo vang,” a ti a.
MARKA 10:13-14 — Tin, a deh atân a hnênah naupang tête an rawn hruai a; tin, zirtîrte chuan an lo hau va. Nimahsela, Isuan chu chu a hmuhin a lungni lo êm êm a, zirtîrteho hnênah chuan, “Naupang tête ka hnênah han kaltîr ula, hnar suh u; Pathian ram chu hetiang mite ta a ni si a.
RORELTUTE 11:39 — Tin, heti hi a ni a, thla hnih hnuah chuan a pa hnênah a haw leh ta a, ani chuan chhia a lo chham tawh ang khân a chungah a ti ta a. Mipa tu mahin an pâwl lo.
Recent Comments