Month: September 2020

EPHESI 6:1-3 — Naupangte u, Lalpaah chuan in nu leh in pate thu zâwm rawh u; chu chu thil dik a ni si a. I nu leh i pa chawimawi rawh (chu chu thupêk tiam nei hmasa ber a ni); chutichuan, i tân a ṭha ang a, leiah hian i dam rei bawk ang.

1 SAMUELA 13:8-10 — Samuelan ni a ruat angin ni sarih a awm a; nimahsela, Samuela chu Gilgal-ah chuan a la kal ta lo va; tichuan, mipuiin an tlân darhsan ta a. Tin, Saula chuan, “Hâlral thilhlan tûr leh remna thilhlan tûrte chu hetah ka hnênah han la rawh u,” a ti a. Chutichuan, hâlral thilhlan chu a hlân a. Tin, heti hi a ni a, hâlral thilhlan a hlân zo chauh va, Samuela chu a lo thleng ta a.

JOSUA 24:15 — Lalpa rawng bâwl hi ṭha lo âwm anga in hriat chuan, vawiinah hian tu rawng nge in bâwl dâwn thlang mai rawh u: in thlahtuten Lui râla a rawng an bâwl ṭhin pathiante kha nge, in luah ram Amor-hote pathiante kha? Kei leh ka chhûngte erawh hi zawngin Lalpa rawng a ni kan bâwl dâwn ni,” a ti a.

GENESIS 29:20,28 — Tichuan, Jakoba chuan Rakili nei tûr chuan kum sarih chu rawng a bâwl ta a; nimahsela, a hmangaih hle avângin ni rei lo tê ang chauhvin a hria a. Tichuan, Jakoba chuan chutiang chuan a ti a, a ni sarih chu a tlingtla a; tichuan, a fanu Rakili chu nupuiah a pe ta a.

1 LALTE 1:6 — A pa lah chuan eng lai mahin, “Engati nge hetiangin i tih?” tiin a tilungni lo ngai si lo va; tin, amah chu hmêlṭha tak a ni bawk a. Absaloma chhang a ni.