Month: November 2020

THUFINGTE 15:13 — Thinlung hlimin hmêl hlim a siam a, Thinlung lungngaihna erawh chuan rilru a tilungchhe ṭhîn.

JAKOBA 5:1-3 — Mi hausate u, ngai teh u khai! In chunga hrehawm lo thleng dâwn mêk avâng chuan ṭap ula, chiau vak vak rawh u. In rote a chhe ta a, in puante sûlrûlin a ei zo ta. In rangkachak leh in tangkaruate a tuiêk zo ta; a tuiêk chu in thiam lohzia hriattîrna a ni ang a, in tisa chu mei kan angin a ei ang. Ni hnuhnûngah chuan ro in khâwl khâwm a nih hi.

JOHANA 3:16 — Pathianin khawvêl a hmangaih êm êm a; chutichuan, a Fapa mal neih chhun a pe a, amah chu tu pawh a ring apiang an boral lohva, chatuana nunna an neih zâwk nân.

JAKOBA 4:15-17 — Chutichuan, “Lalpan rem a tih chuan kan dam ang a, chumi khami kan ti ang,” in ti tûr hi a ni. Nimahsela, in uannate hi in chhuang zâwk si a, chutiang chhuanna zawng zawng chu sual a ni. Chutichuan, tu pawh thil ṭha tih tûr hriaa ti si lo chu a tân sual a ni.

GALATIA 5:22-23 — Thlarau rah erawh chu hmangaihna te, hlimna te, remna te, dawhtheihna te, ngilneihna te, ṭhatna te, rinawmna te, thuhnuairawlhna te, insûmtheihna te a ni zâwk e.