Category: 2018

An za chuan inthurual ang maiin an lo pha ṭheuh va. A hmasa ber chuan, ‘Lo ka lei a, a enin ka kal a ṭûl a ni; khawngaih takin mi han phatsak ang che,’ a ti a. LUKA 14:18-19

“‘Lalpa, Lalpa,’ mi ti nazawng chu vânramah an lût lo vang a, ka Pa vâna mi duhzâwng titute erawh chu an lût ang. MATHAIA 7:21

Nimahsela, a hun a thleng dâwn, tûnah pawh a thleng tawh mêk, Pathian chibai bûktu tak takten thlarau leh thutakin Pa chibai an bûk tawh ang. Chutiang mi chu Pain amah chibai bûk tûrin a zawng a ni. JOHANA 4:23

Tichuan, kal ula, hnam zawng zawng zirtîrah siam rawh u; Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u. Tin, ngai teh u, kei, kumkhuain, khawvêl tâwp thleng pawhin, in hnênah ka awm zêl ang,” a ti a. MATHAIA 28:19-20

Kan Puithiam lalber neih hi kan chak lohnate min hriatpui pha lo a ni lo va, keimahni ang bawka kawng tinrênga thlêmna tâwk tawh, sual si lo chu a ni. HEBRAI 4:15