Nun Kawng Chaw
SAM 87:1-3 — A lungphûm chu tlâng thianghlimahte chuan a awm. Lalpa chuan Zion kulh kawngkhârte chu Jakob-ho awmna zawng zawng aiin a ngaina zâwk a ni. Aw Pathian khawpui, I chungchâng thu ropui takin an sawi ṭhîn a ni.
1 JOHANA 3:1 — Ngai teh u, Pain min lo va hmangaih nasa êm; Pathian fa-ahte min vuah tâk hi! Chutiang chu kan ni rêng e. Hemi avâng hian khawvêlin min hre lo va ni, amah chu an hriat loh avângin.
THUFINGTE 11:18 — Mi suaksual chuan bumna hlawh a dawng ṭhîn a, Felna tuhtu erawh chuan a tak tak hlawh a dawng ṭhîn.
ROM 12:2 — Tûnlai khawvêl awm dân ang hi ṭâwm suh u; in nun phung chu, in rilru tihthara awmin, tihdanglam ni vek rawh se; tichuan, Pathian duhzâwng, ṭha leh lawm tlâk leh ṭhat famkim chu in hrethiam thei ang.
JOHANA 11:43-44 — Tin, chutia a ṭawng zawh veleh chuan aw ring takin, “Lazar, lo chhuak rawh,” a ti a, a au va. Tin, mitthi chu a kut a ke thlân puana tuam chungin a lo chhuak ta a, a hmai pawh inhrûkna puana tuam a ni a. Isuan an hnênah, “Phelh ula, kaltîr rawh u,” a ti a.
Recent Comments