Nun Kawng Chaw
LEVITICUS 17:11-12 — Tisa nunna chu thisenah chuan a awm si a; in nunna atâna inremna siamna tûra maichâm chunga ka pêk che u a ni; nunna atâna inremna siamna chu thisen ngei chu a ni si a.’ Chu vâng chuan Israela thlahte hnênah, ‘Tu mahin thisen in ei tûr a ni lo va, ram dang mi in zînga khawsate pawhin thisen an ei tûr a ni hek lo,’ ka ti a ni.
LUKA 9:51 — Tin, heti hi a ni a, amah hruai chhoh a hun dâwnin, Jerusalem khuaa kal tumin a hawi tlat a.
KOLOSSA 4:6 — Mi tin engtia chhân ṭheuh tûr nge ni tih in hriat theih nân in ṭawngka chhuak chu chia al, khawngaihna tel ni fo rawh se.
JOHANA 17:11,22 — Tin, kei zawng khawvêlah ka awm tawh lo vang, hêngho erawh hi chu khawvêlah an awm ang, kei i hnênah ka lo haw dâwn ta. Ka Pa thianghlim, nangin kei mi pêkteho hi i hmingin hum rawh, pumkhat an nih theih nân, keimahni ang bawk hian. ²²Tin, nangin ropuina mi pêk kha keiin anmahni ka pe ta; anni chu pumkhat an nihna tûrin, keini pumkhat kan ni ang bawk hian.
LUKA 14:8-10 — Lawi chaw ei tûrin tuin emaw a sâwm hunah che chuan, ṭhutphah ṭha berah ṭhu suh ang che; chuti lo chuan, i aia mi ṭha zâwk a lo sâwm hlauh ang a; An sâwm hunah che chuan, ṭhutphah ṭha lo berah ṭhu zâwk ang che; chutichuan, a sâwmtu che a lo kal hunah i hnênah, ‘ṭhiana, ṭhutphah ṭha deuhvah ṭhu rawh,’ a ti thei ang che. Chutichuan, i chaw kîlpuite mit hmuhah chuan chawimawiin i awm ang.
Recent Comments