Category: August 2020

MATTHAIA 28:19-20 — Chutichuan, kal ula, hnam tina mi zirtîrahte siam ula, Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u.

JOHANA 13:14-15 — Kei Lalpa leh Zirtîrtu mahin in ke ka sil chuan, nangni pawhin in ke in insilsak tûr a ni. In chunga ka tih ang hian nangni pawhin in tih vena tûrin ka tihhmuh che u a ni si a.

JOHANA 10:12-13 — Inhlawhfa, berâm vêngtu tak ni lova, berâmte a ta ni lova chuan, chinghne lo kal a hmuhin berâmte a tlânsan ṭhîn; tin, chinghnia chuan berâmte a seh a, a tidarh ṭhîn; inhlawhfa a ni a, berâmte a ngaihsak loh avângin a tlân bo ṭhîn a ni.

2 KORINTH 5:14-15 — Krista hmangaihna chuan min tîr lui a ni; heti hian kan ngaihtuah: mi zawng zawng thih aiin mi pakhat a thi a; chuvângin, mi zawng zawng chu an thi a ni; tin, a nungte chu anmahni tân an nun tawh lohva, an thih aia thia tholeha tân chuan an nun tawh zâwkna tûrin a ni mi zawng zawng thih aiin a thih ni.

JOHANA 10:3-4 — Berâmten a aw an hre ṭhîn a; ama berâmte chu an hmingah a ko ṭheuh va, a hruai chhuak ṭhîn. A ta zawng zawng a chhuahtîr veleh an hma a hruai a, berâmte chuan amah an zui ṭhîn a, a aw an hre si a.