Nun Kawng Chaw
LUKA 12:19-20 — Tin, ka thlarau hnênah, “Thlarau, kum tam tak chhûng atân sum tam tak i khâwl hi; châwl la, eiin bâr la, hlim takin awm rawh,” ka ti ang,’ a ti a. Nimahsela, Pathianin a hnênah, ‘Mi â, zâninah hian i thlarau an lâksak dâwn che a ni; i thil deh chhuahte kha tu ta nge ni ta ang le?’ a ti a.
ROM 8:14-15 — Pathian Thlarau hruaia awm apiangte chu Pathian fate an ni si a. Hlauva awm leh tûrin bawih nihna thlarau in hmu a ni si lo va; fa nihna thlarau in hmu a ni zâwk e, chu thlarau avâng chuan “Abba! (Ka pa!)” tiin kan au ṭhin hi.
MATTHAIA 12:44-45 — Tin, ‘Ka chhuahna inah khân ka kîr leh mai ang,’ a ti a; tin, a va thlen chuan, in chu ruaka, phiah faia, chei mawiin a hmu a. Chu veleh a va kal a, amah aia sual zâwk ramhuai dang pasarih a hruai a, chutah chuan an lût a, an awm reng ṭhîn a; chu mihringa awmze hnuhnûng chu a hmasa aiin a lo ṭha lo zâwk ṭhîn a ni. Chutiang bawkin tûnlai chhuan sual takte chungah hian a la awm ang,” tiin a chhâng a.
THUFINGTE 19:24 — Mi thatchhia chuan a kut thlêngah a hnim a, A kâ han thlen leh takngial pawh a peih lo.
LUKA 11:6-8 — Ka ṭhian zinin mi rawn tlawh a, a hmaa hlui tûr eng mah ka nei si lo,’ ti sela; in chhûnga miin, ‘Mi tibuai suh; tûnah zawng kawng khâr a ni a, ka fate pawh ka hnênah khumah an mu tawh a; thovin ka va pe thei lo va che,’ tiin chhâng sela; ka ti a che u, a ṭhian a nih avângin thovin a va pe lo na a, a dîl ngut ngut avângin thovin a duh zât apiang a va pe ang.
Recent Comments