Nun Kawng Chaw
JOHANA 21:17 — Tin, a vawi thumnaah chuan a hnênah, “Simon, Johana fapa, nangin kei mi ngaina em?” a ti a. Tin, a vawi thumnaah, “Nangin mi ngaina em?” a hnêna a tih avâng chuan Petera chu a lungngai a, a hnênah, “Lalpa, engkim i hria a, ka ngaina che tih i hria e,” a ti a. Isuan a hnênah, “Ka berâmte châwm rawh.”
EPHESI 5:23-24 — Krista chu amah ngei taksa chhandamtu nia, kohhran lu a ni ang bawk hian, pasal chu nupui lu a ni si a. Chutichuan, kohhranho Krista hnêna an intulût ang bawk hian, nupuite chu engkimah an pasalte hnênah intulût rawh se.
JOHANA 17:20-21 — Hênghote tân chauh hian ngensak ka ni lo, an thu avânga kei mi la ring tûrte tân pawh ngensak ka ni bawk e; an zaa pumkhat an nihna tûrin; ka Pa, nang keimaha i awm leh, kei nangmaha ka awm ang bawk hian, anni pawh keimahnia an awmna tûrin; nangin kei mi tîr tih khawvêlin an awih theihna tûrin.
THUFINGTE 24:6 — Beih hmain ngun taka râl rêl a ṭha, Rem i hriat poh leh i chak zâwk ang.
JOHANA 17:14 — I thu an hnênah ka pe ta e; tin, khawvêlin anni chu an hua a, khawvêla mi an nih loh avângin, kei khawvêla mi ka ni lo ang bawk hian.
Recent Comments