Category: 2020

JOHANA 15:16 — Nangnin mi thlang lo, keiman ka thlang zâwk che u a, va rah tûr leh in rah awm reng tûrin ka ruat bawk a che u; ka hminga Pa hnêna in dîl apiang a pêkna tûr che uin.

MATTHAIA 16:13-14 — Tin, Isua chu Kaisara Philippi bial a lo thlen chuan, a zirtîrte hnênah, “Miten Mihring Fapa hi tu nge a ni an tih?” tiin a zâwt a. Tin, anni chuan, “Ṭhenkhatin, ‘Baptistu Johana a ni,’ an ti a; ṭhenkhatin, ‘Elija a ni,’ an ti; ṭhenkhatin ‘Jeremia emaw, zâwlnei tua emaw a ni,’ an ti,” an ti a.

JOHANA 15:12-14 — Hei hi ka thupêk a ni, keiin ka hmangaih che u ang bawkin nangni inhmangaih ula. Mihringin a ṭhian aia a nun a paih aliama hmangaihna nasa zâwk tu mân an nei lo. Thu ka pêk apiang che u in tih chuan ka ṭhiante in ni ang.

JOHANA 7:37-38 — Tin, kût ṭiak dâwn ni, ni ropui berah chuan Isua a ding a, a au va, “Tu pawh a tuihâl chuan ka hnênah lo kal sela, in rawh se. Tu pawh mi ring chu, Pathian Lehkha sawi angin, tui nung luite a pumah a lo luang chhuak ang,” a ti a.

JOHANA 15:4 — Keimahah awm reng rawh u, kei pawh nangmahniah ka awm reng ang. Pêng chu grêp hruia a awm reng loh chuan amahin a rah thei lo ang bawkin, nangni pawh keimaha in awm reng loh chuan in rah thei lo vang.