Category: 2020

JOHANA 10:12-13 — Inhlawhfa, berâm vêngtu tak ni lova, berâmte a ta ni lova chuan, chinghne lo kal a hmuhin berâmte a tlânsan ṭhîn; tin, chinghnia chuan berâmte a seh a, a tidarh ṭhîn; inhlawhfa a ni a, berâmte a ngaihsak loh avângin a tlân bo ṭhîn a ni.

2 KORINTH 5:14-15 — Krista hmangaihna chuan min tîr lui a ni; heti hian kan ngaihtuah: mi zawng zawng thih aiin mi pakhat a thi a; chuvângin, mi zawng zawng chu an thi a ni; tin, a nungte chu anmahni tân an nun tawh lohva, an thih aia thia tholeha tân chuan an nun tawh zâwkna tûrin a ni mi zawng zawng thih aiin a thih ni.

JOHANA 10:3-4 — Berâmten a aw an hre ṭhîn a; ama berâmte chu an hmingah a ko ṭheuh va, a hruai chhuak ṭhîn. A ta zawng zawng a chhuahtîr veleh an hma a hruai a, berâmte chuan amah an zui ṭhîn a, a aw an hre si a.

PHILIPPI 4:11-12 — Ka tlâkchham thu sawi zawng ka ni lo ve; kei zawng eng ang pawhin awm mah ila, lungawi zêl ka chîng tawh si a. Tlâwm taka awm dân ka thiam a, hausaa awm dân pawh ka thiam bawk a; thil tinrêngah leh thil zawng zawngah tlai leh rilṭâma awm dân, hausa leh tlachhama awm dân thurûk chu ka hre chhuak tawh.

JOHANA 9:3 — Isuan, “He mi hian a tisual lo, a nu leh a pain an tisual hek lo; Pathian hnathawh a chunga a lanna tûr a nih zâwk hi.