Category: 2020

LUKA 14:28 — Nangni zîngah tu pawhin in sâng sak tum ula, a tîrah ṭhuin, sak zawhna khawp sum in neih leh neih loh hre tûrin, a man tûr chin tu nge chhût lo vang che u?

ISAIA 55:2 — Chaw ni si lovah eng vângin nge tangka in sên? Puar leh fânna ni si lovah eng vângin nge in tha in sên?

LUKA 13:12-13 — Tin, Isuan a hmuh veleh a ko va, a hnênah, “Hmeichhia, i chak lohna chuan a thlah ta a che,” a ti a. Tin, a chungah a kut a nghat a; tichuan, thawklehkhatan a ngîl ta nghâl a, Pathian a fak ta a.

JAKOBA 4:16-17 — Nimahsela, in uannate hi in chhuang zâwk si a, chutiang chhuanna zawng zawng chu sual a ni. Chutichuan, tu pawh thil ṭha tih tûr hriaa ti si lo chu a tân sual a ni.

LUKA 12:19-20 — Tin, ka thlarau hnênah, “Thlarau, kum tam tak chhûng atân sum tam tak i khâwl hi; châwl la, eiin bâr la, hlim takin awm rawh,” ka ti ang,’ a ti a. Nimahsela, Pathianin a hnênah, ‘Mi â, zâninah hian i thlarau an lâksak dâwn che a ni; i thil deh chhuahte kha tu ta nge ni ta ang le?’ a ti a.