Category: 2020

MATTHAIA 16:13-14 — Tin, Isua chu Kaisara Philippi bial a lo thlen chuan, a zirtîrte hnênah, “Miten Mihring Fapa hi tu nge a ni an tih?” tiin a zâwt a. Tin, anni chuan, “Ṭhenkhatin, ‘Baptistu Johana a ni,’ an ti a; ṭhenkhatin, ‘Elija a ni,’ an ti; ṭhenkhatin ‘Jeremia emaw, zâwlnei tua emaw a ni,’ an ti,” an ti a.

PHILIPPI 2:7-8 — Mihringte anga lo piangin, bawih angah a insiam a, amah leh amah a intitlâwm ta zâwk a. Tin, mihring anga lo awmin a inngaitlâwm a, thi khawp hiala thu zâwmin a lo awm ta a, krawsa thihna ngei chu.

MATTHAIA 15:28 — Chu veleh Isua chuan a hnênah, “Hmeichhia, i rin a nasa êm mai; i duh ang takin i chungah awm rawh se” a ti a, a chhâng a. Tichuan, a fanu chu chumi achinah chuan a lo dam ta mai a.

THUFINGTE 23:13-14 — Naupang thunun tîm suh, Tiangin vaw mah la, a thi dâwn si lo va. Tiangin i vua ang a; Tichuan, Seol ata a nunna i chhanchhuak ang.

MARKA 7:21-23 — Kawchhûnga mi, mihring thinlung aṭangte chuan ngaihtuahna sualte a lo chhuak si ṭhîn: inngaihna te, rûkrûkna te, tualthahna te, uirêna te, awhna te, sualna te, bumna te, hurna te, îtsîkna te, sawichhiatna te, chapona te, âtna te hi; chûng thil sual zawng zawng chu kawchhûng aṭangin a lo chhuak a, mihring chu a tibawlhhlawh ṭhîn,” a ti a.