Nun Kawng Chaw
GENESIS 22:16-18 — “He thil hi i tih tâk avâng leh i fapa, i neih chhun tak pawh i ui loh avângin mal ka sâwm ngei ngei ang chia, vâna arsi zât leh tuifinriat kama ṭiauvaivut zâtin i thlahte chu ka la tipung ngei ngei ang tih leh, i thlahte chuan an dote kulh kawngkhâr chu an la neihsak ang tih leh, ka thu i awih tâk avângin i thlahah chuan khawvêla chi tin an la thawveng ang tih, mahni leh mahni inchhâlin chhia ka chham ta, Lalpan a ti,” a zuk ti a.
2 KORINTH 3:17-18 — Tin, Lalpa chu Thlarau a ni a; Lalpa Thlarau awmna apiangah zalênna a awm ṭhîn. Chutichuan, keini chu kan zain hmai khuh lovin, dârthlalang anga Lalpa chhun ênin, ropuina aṭanga ropui zêlin, chumi anpui ngeia awm tûrin tihdanglamin kan awm ṭhîn, Lalpa (Thlarau) ata chu kan hmuh ang zêlin.
GENESIS 6:9 — Hêng hi Nova thlahte chu an ni. Nova chu mi fel tak a ni a, a dam rualpuite zîngah chuan sawisêl bo a ni. Nova chu Pathian nên an lêng dûn ṭhîn a.
1 SAMUELA 25:23-24 — Tin, Abigaili chuan Davida a hmuh chuan a sabengtung ata chu a chhuk thuai a, Davida hmaah chuan a hmaia lei siin chibai a bûk a. Tin, a ke bulah chuan a bawkkhup a, “Keiman, ka pu, keimah ngeiin khawlohna chu ka hlawh mai ang e. Tin, i chhiahhlawhnu hian i beng hriatah thu sawi sela, i chhiahhlawhnu thusawi chu khawngaih takin ngaihthlâksak ang che.
GENESIS 4:8 — Kaina chuan a nau Abela hnênah, “Lovah i feh ang,” a ti a. Tin, heti hi a ni a, lova an awm laiin Kaina chuan a nau Abela chu a bei a, a that ta mai a.
Recent Comments