Category: Daily Bread

JOHANA 17:26 — Tin, an hnênah i hming ka hriattîr a, ka hriattîr leh fo vang; nangin kei mi hmangaihna kha anmahniah a awma, kei pawh anmahniah ka awm theihna tûrin,” a ti a.

1 KORINTH 9:26-27 — Chutichuan, tiam chin lam panin ka tlân ngat ngat a ni, boruak mai hnek lovin mahni ka inhnek zâwk ṭhîn a; chu vâng chuan, ka taksa ka tichhel a, ka thuhnuaiah ka dah tawh a ni; chuti lo chuan, mi dangte hnêna ka tlângaupui hnu pawhin, eng emaw tiin keimah ngei hi paih thlâkin ka awm dah ang e.

1 JOHANA 2:15 — Khawvêl hi hmangaih suh ula, khawvêla thil awmte pawh hi hmangaih hek suh u. Mi tu pawhin khawvêl hi a hmangaih chuan, Paa hmangaihna amahah a awm lo.

THUHRILTU 12:13-14 — Hêng thu zawng zawng khaikhâwmna hi i ngaithla teh ang: Pathian ṭih la, a thupêkte vawng rawh; hei hi mihring zawng zawng tih tûr chu a ni mai. Pathian chuan thiltih zawng zawng chungah ro a la rêl dâwn si a, thil inthup engkim, a chhia emaw, a ṭha emawte pawh, tih hi.

THUFINGTE 8:13 — Lalpa ṭih chu sual huat hi a ni; Chapona te, uanthuanna te, thil ṭha lo tih chîn te, Ṭawng chaltlai te hi ka haw takzet a ni.