2 CHRONICLE 16:9 — Lalpa chuan amah ring tlattute chu ṭanpui tûrin khawvêl pum puiah a mit a lên ruai ruai ṭhîn a ni. Tûn aṭang chuan do tûr i nei reng ang. Âtthlâk takin thil i ti a nih hi,” a ti a.

2 LALTE 5:14 — Tichuan, a zuk chhuk a, Pathian mi sawi ang chuan Jordan luiah vawi sarih a zuk inhnim a; tin, a tisa chu nausên tisa ang mai a lo ni leh a, a lo thianghlim ta a.

LUKA 21:34-35 — Tichuan, nawmsak bâwl te, zu ruih te, ni tin khawsak engtona te in rilrua a khah lutuk loh nân fîmkhur rawh u. Thanga âwk phut ang maiin a rawn nang dah ang che u. Lei pum pui chunga chêngte chungah chutiangin a lo thleng dâwn si a.

GENESIS 33:3-4 — Tin, amah chu an hmaah chuan a kal a, a u bul a thlen hma chuan vawi sarih lei siin chibai a bûk a. Tin, Esauva chu amah lâwm tûrin a tlân a, a pawm a, a ir a chuktuah a, a fâwp a; tin, an ṭap dûn ta a.

ROM 10:15 — Tirh an nih si loh chuan tu nge hril ang? “Thil ṭha chanchin rawn hriltute ke chu a va mawi êm!” tih ziak ang khân.