Category: April 2019

MARKA 12:10 — He Pathian Lehkha thu hi in chhiar lâwm ni? 'In satute lung duh loh kha, Chu ngei chu a kila lung ṭangkai ber a lo ni ta.'

JEREMIA 23:29 — “Ka thu chu mei ang a ni a, lung chhutkehna tuboh ang hi a ni lo vem ni?” tih hi Lalpa thuchhuak a ni.

ISAIA 55:10-11 — Ruah leh vûr chu vân aṭangin a lo tla a, Kîr leh lovin lei hi a tihnâwng ṭhîn, Thlai chi theh chu a tiṭiak a, A thehtu tân rah sêng tûr pawh a awmtîr ṭhîn. Ka kâa thuchhuak pawh Hlawhchhama kîr leh rual a ni lo ve, Ka duhzâwng chu a ti zêl ang, Ka tirhnaah a hlawhtling ngei bawk ang.

MARKA 16:3-4 — “Thlân kawngka ata lung chu tuin nge min lum sawnsak ang,” an intih lai mêkin, (lung lian tak a ni rêng a) an han dâk a, lung chu lum sawn sa-in an hmu ta a.

LUKA 24:6-7 — Hetah a awm tawh lo, kaihthawh a ni ta. Galili rama a awm laia in hnêna a sawi kha hre reng rawh u; ‘Mihring Fapa hi mi sualte kuta mantîr a ni ang a, krawsah an khêngbet ang a, ni thum ni-ah a tho leh tûr a ni,’ a tih ṭhin kha?” an ti a.