Category: November 2020

PHILIPPI 4:6 — Engah mah mangang suh u; engkimah ṭawngṭai leh dîlin, lâwm thu hril tel zêlin, in duhnate chu Pathian hnênah hriattîrin awm zâwk rawh se.

TIRHKOHTE 21:24 — Chûng mite chu hruai la, an hnênah inthian fai ve la, an lu an meh theih nân an tân sum sêng rawh; chutichuan, mi zawng zawngin mi ka aṭanga i thu an hriat apiang kha, tih tak a ni lo tih an hria ang a, nangmah ngei pawh Dân zâwmin fel takin i awm ve zâwk tih an hre dâwn nia.

EPHESI 5:3-4 — Nimahsela, mi thianghlimte tiha mawi âwm rêngin, inngaih leh bawlhhlawh zawng zawng, duhâmna nên in zîngan lam pawh lamin awm suh se; zahmawh te, thu lawilo sawi te, fiamthu te pawh, chûng chu a mawi lo a ni; chûng tih ai chuan lâwm thu hrilh zâwk rawh u.

TIRHKOHTE 21:12b-13 — Paula chu Jerusalem khuaa han kal lo tûrin kan ngên chiam a. Paula chuan a chhâng a, “Eng in ti nge ni in ṭah in ṭaha, ka lung in tihchhiat? Lalpa Isua hming avâng chuan Jerusalem khuaa phuar chang ka huam lo va, thih pawh ka huam asin,” a ti a.

GALATIA 6:7-8 — Miin a theh apiang, chumi vêk chu a seng bawk dâwn si a; mahni tisa lama thehtu chuan tisaa mi chhiatna a seng ang a; Thlarau lama thehtu erawh chuan Thlarauva mi chatuana nunna a seng dâwn a ni.