Category: September 2020

THUFINGTE 12:1 — Thununna ngaina mi chuan hriatna a ngaina ṭhîn a, Zilhhauna haw mi erawh chu ramsa ang mai a ni.

JOHANA 16:22 — Tin, tûnah nangni in lungngai e; nimahsela, ka hmu leh ang che u a, in thinlung a lâwm ang a, in lâwm chu tu mân an lâksak lo vang che u.

JOSUA 3:15,16a — Bâwm zâwntute chu Jordan lui an va thlena, bâwm zâwntu puithiamte ke chuan vaukam tui a han rah veleh (buh seng chhûng zawng hi chuan Jordan lui hi a kuang zawng zawngah a liam reng ṭhîn a), chhak lam aṭanga tui lo luang thla lai chu a ding ta a.

JOHANA 16:14-15 — Ani chuan kei mi chawimawi ang; ka taa mi a la ang a, in hnênah a hriattîr dâwn si che u a. Pain thil a neih zawng zawng ka ta a ni; chuvângin, ‘Ka taa mi a la ang a, in hnênah a hriattîr ang che u,’ ka tih hi.

EXODUS 14:21-22 — Tichuan, Mosia chuan tuipui chungah a kut a han phar a; tin, Lalpan zankhuain khawchhak thli na takin a rawn tlehtîr a, tuipui chu a nem kîrtîr a, tuipui chu lei chârah a chantîr a; tin, tuite chu a lo inṭhen ta a. Tin, Israela thlahte chu tuipui chhûng lei chârah chuan an kal ta a; tin, tuite chu an ding lampangah leh an vei lampangah chuan an tân bang a lo ni ta mai a.