LUKA 6:38 — Pe rawh u; chutichuan, pêkin in awm ang; ṭhahnemngai taka teha, beng muka, sâwi muka, liam zawih zawihin in malchungah an pe ang che u. In tehna ngai bawkin an tehsak leh dâwn si che u a,” a ti a.

ROM 1:16 — Chanchin Ṭha chu ka zahpui si lo va; tu pawh a ring apiangte tân chhandamna tûra Pathian thiltihtheihna a ni si a; a tîrah Juda mi tân a ni a; tin, Grik mi tân pawh a lo ni leh a.

MATTHAIA 6:3-4 — Nang erawh chuan mi hnêna englo i pêkin, i kut ding lamin a tih chu i kut vei lamin hre suh se, i englo pêk chu a rûkin a awm theih nân; chutichuan, i Pa a rûka hmu ṭhîntu chuan a rûl ang che.

MARKA 16:15 — Tin, an hnênah, “Khawvêl zawng zawngah kal ula, thil siam zawng zawng hnênah chuan Chanchin Ṭha hi hril rawh u.

DEUTERONOMY 16:17 — Lalpa in Pathianin malsâwmna a dawntîr che u ang zêlin mi tinin an theih ang tâwk an pe tûr a ni.