JOSUA 3:4 — Amaherawhchu, nangmahni nêna a inkâr chu teha tawng sânghnih emaw a ni tûr a ni. Hnaih suh ang che u; tichuan, in kalna tûr kawng chu in hre thei dâwn nia; tûn hmain hemi kawng hi zawng in la zawh ngai si lo va,” tiin mipuite chu thu a pe a.

ISAIA 43:2 — Tuite in dai kai lai pawhin kei in hnênah ka awm ang a; luite in dai kai lai pawhin a chîm pil lo vang che u. Meia in kal tlang lai pawhin in kâng lo vang a, meialhin a tialh hek lo vang che u.

DEUTERONOMY 11:12 — Lalpa in Pathian mit chu kum thar aṭanga a tâwp thlengin a fu reng ṭhîn.

1 JOHANA 4:16 — Pathianin keimahnia hmangaihna a neih chu kan hria a, kan ring bawk a ni. Pathian chu hmangaihna a ni; hmangaihnaa awm reng chu Pathianah a awm reng a, Pathian pawh amahah a awm reng a ni.

LUKA 1:32-33 — Ani chu mi lian a la ni ang a, Chungnungbera Fapa an la ti ang; Lalpa Pathianin a hnênah a thlahtu Davida lalṭhutphah chu a pe ang a; Jakoba thlahte chungah chatuanin a lal ang a, a ramin kin ni a nei lo vang,” a ti a.