JOHANA 4:23 — Chutichuan, a hun a thleng dâwn ta, tûnah pawh a thleng tawh mêk, chumi hunah chuan Pathian chibai bûktu tak takten thlarau leh tihtakzetin Pa chibai an bûk ang, Pain chutiang mi chu a chibai bûktu tûrin a zawng a ni.

THUFINGTE 20:13 — Mut thlahlel suh, i lo pachhe dah ang e; I mit meng la; tichuan, chhang kham khawp i nei dâwn nia.

THUFINGTE 24:33-34 — I duh chuan mu hlek la, chhîng hlek rawh, Kut kuangkuahin châwl hlek teh; I mut hlânin i rethei hman ang a, Tlâkchhamnain sipai angin a nang thut ang che.

THUFINGTE 4:23 — I thil ngaihtuah dânah fîmkhur hle la, I ngaihtuah chuan i nun a kaihruai ṭhîn a ni.

THUHRILTU 12:1 — I vânglai hian i siamtu chu hre reng ang che, Hun ṭha lo, tarchhiat hun, ‘Dam pawh nuam ka ti tawh lo,’ i tih hma hian.