EPHESI 5:3-4 — Nimahsela, mi thianghlimte tiha mawi âwm rêngin, inngaih leh bawlhhlawh zawng zawng, duhâmna nên in zîngan lam pawh lamin awm suh se; zahmawh te, thu lawilo sawi te, fiamthu te pawh, chûng chu a mawi lo a ni; chûng tih ai chuan lâwm thu hrilh zâwk rawh u.

SAM 150:1-6 — Lalpa chu fak rawh u. Pathian chu a hmun thianghlimah chuan fak ula; A thiltihtheihna boruak zau takah khian amah chu fak rawh u. A thiltih ropui takte avângin amah chu fak ula; A ropui nasatzia ang zelin amah chu fak rawh u. Tawtawrâwt riin amah chu fak ula; Perhkhuang leh ṭingṭangin amah chu fak rawh u. Khuangtê leh lâmin amah chu fak ula; Ṭingṭang chi hrang hrang leh phênglâwngin amah chu fak rawh u. Dârbenthek ri thûm miin amah chu fak ula; Dârbenthek ri fiak miin amah chu fak rawh u. Engkim, thaw thei tawh phawt chuan Lalpa chu fak rawh se. Lalpa chu fak rawh u.

Sam 119:67,71 — Tihhrehawma ka awm hma khân ka vâk bo ṭhîn a; Tûnah erawh chuan i thu ka zâwm ta. I thuruatte ka zir theih nân Tihhrehawma ka lo awm kha ka tân a ṭha a ni.

THUFINGTE 28:13 — A bawhchhiatna zêptu chu a hmuingîl lo vang a, Inpuanga sim erawh chuan zahngaihna a hmu ang.