Month: November 2020

JOHANA 1:15,17 — Johanan a thu a hriattîr a, a au va, “‘Ka hnunga mi zui tûr khân mi lehkhalh tawh a ni, ka hmaa awm tawh reng a nih avângin,’ tia a thu ka sawi kha amah hi a ni,” a ti a. Ani chu ka hnua lo kal tûr chu a ni a, a pheikhawk hrui phelh tlâk pawh ka ni lo ve,” a ti a, a chhâng a.

TIRHKOHTE 20:28 — Pathian kohhranho, ama thisena a leite chu châwm tûrin, nangmahni leh in hote zawng zawng chungah chuan fîmkhur rawh u, Thlarau Thianghlimin an chunga hotuah a siam che u hi.

SAM 150:1-6 — Lalpa chu fak rawh u. Pathian chu a hmun thianghlimah chuan fak ula; A thiltihtheihna boruak zau takah khian amah chu fak rawh u. A thiltih ropui takte avângin amah chu fak ula; A ropui nasatzia ang zelin amah chu fak rawh u.

TIRHKOHTE 20:9 — A hming - Eutuka, tlangvâl pakhat tukverhah chuan a ṭhu a, a lo muthlu a lo muthlu a. Tin, Paulan thu a sawi rei tâk avângin ani chuan a mutchhuak a tuar ta lo va, in chhâwng thumna aṭang chuan a tla ta a, thiin an chhar a.

JOHANA 17:11 — Tin, kei zawng khawvêlah ka awm tawh lo vang, hêngho erawh hi chu khawvêlah an awm ang, kei i hnênah ka lo haw dâwn ta. Ka Pa thianghlim, nangin kei mi pêkteho hi i hmingin hum rawh, pumkhat an nih theih nân, keimahni ang bawk hian.