Nun Kawng Chaw
JOHANA 17:11 — Tin, kei zawng khawvêlah ka awm tawh lo vang, hêngho erawh hi chu khawvêlah an awm ang, kei i hnênah ka lo haw dâwn ta. Ka Pa thianghlim, nangin kei mi pêkteho hi i hmingin hum rawh, pumkhat an nih theih nân, keimahni ang bawk hian.
TIRHKOHTE 19:14-15 — Tin, Juda mi, puithiam lal pakhat, Skeva chuan chutiang ti ve ṭhîn fapa pasarih a nei a. Nimahsela, ramhuaiin an hnênah, “Isua ka awih e, Paula pawh ka hria e, nangni erawh chu tu nge maw in nih le?” a ti a, a chhâng a.
THUFINGTE 23:29-30 — Tute nge chungpik ṭhîna, tute nge lungngai ṭhîna, tute nge inhau ṭhîn? Tute nge thubuai nei ṭhîna, tute nge a vâng awm lova hliam tuar ṭhîna, Tute nge mit sen rêm rûm ṭhîn le? Zu hmuna awm reng ṭhînte, Zu chawhpawlh in ṭhînte an ni.
TIRHKOHTE 19:26b-27a — Paula hian, ‘Kuta siam pathiante hi Pathian an ni lo,’ tiin mi tam tak a thlêm thlu a, a pakaitîr zo tawh a ni tih nangni ngei pawhin in hmuin in hre bawk a; chutichuan, kan hnathawh a lân ang tih a hlauhawm chauh hi a ni lo va, pathiannu ropui tak Diani biak in pawh hi an rawn ngai tlâwm ang".
HABAKUKA 2:15 — A ṭhenawm hnêna zu in tûr petu chu a chung a pik e, Nang, an saruak i hmuh theih nâna i tûr chawhpawlha tiruitu chu!
Recent Comments